Gorbeian, Igiriñaoko katedral naturalean.
Fecha de Publicación: 20/07/2016
Katedral naturala dogun Gorbeiaren magalean, 1.119 metrotara, Bizkaian altuerarik handienean mezea ospatuko da, datorren domekan 2016ko garagarrilaren 31n, eguerdiko 12:00etan, Elurretako Amaren baselizaren ondoan. Oraintsura arte domeka eta jai egun guztietan ospatzen zan mezea, uda-sasoian; gaur egun, San Inazio egunean baino ez.
Aurten be abestuko da zeanuriztarrek hango Andra Mariari egindako himnoa, Andra Maria Igiñakoa deritxana. Ospakizunean gogoan izango dira aurten hildako mendigoizale eta artzain guztiak. Amaitzeko, San Inazio martxa kantatuko da eta ondoren, Zeanuriko Udalak ohiko barauskarri ezaguna eskainiko dau: ardao zuria eta gailetak. Zeanuriko txistulariek euren doinuekaz alaituko dabe giroa toki zoragarriotara bertaratuko diran guztientzat.
INFORMAZIO GEHIAGO: www.arratia.tk
Bideo laburrak: https://youtu.be/9xkXs0z5k88
https://youtu.be/IPYxplPSvfU
Documentos relacionados:
San Inazio 2016 (.pdf 1,18 MB)
Berriak
C/ Askatasun, 34-A · 48143 AREATZA (Bizkaia) · 94 631 55 25
